Ôi 7/12, Kruanh Quốc hội Vương Đình Huệ n’hanh mpôl đại biểu gưl têh Quốc hội dak he hŏ tât Thủ đô Bangkok, ntơm hăn khâl ngăn dak Thái Lan. Lôch Lễ wơt ngăn, Kruanh Quốc hội Vương Đình Huệ tâm nchră đah Kruanh Hạ viện Thái Lan, ký tâm ton tâm boh đah bar nhih pah kan njêng pháp luật n’hanh Văn phòng Quốc hội.

Lôch nê, lah ăp nău kan kơt: ôp srĭng nău kruanh rđău kan gưl têh bah Thái Lan, lah trong kan ta nhih nti Đại học Chulakongkorn, râng tâm nchră trong kơl, pháp luật ntrŭt ntrôl tâm boh wăng sa, tăch rgâl, ntuh kơl, râng lễ ntoh măt Phòng Thương mại Việt Nam - Thái Lan, khâl Đại sứ quán Việt Nam ta Thái Lan, wơt du đêt doanh nghiệp têh bah Thái Lan ntuh kơl ta Việt Nam, Mâp mpôl doanh nghiệp n’hanh nuĭh Việt Nam ta Thái Lan n’hanh du đêt nău kan ta ntŭk.