Nkhêp nkah ndray 68 năm nar nai dak si Việt Nam (27/2/1955 - 27/2/2023), kêng măng 27/2, Kruanh Quốc hội Vương Đình Huệ hŏ tât khâl, mbah rhơn ăp giáo sư, bác sĩ, nai dak si ndrel lĕ rngôch cán bộ, nuĭh kan, tahen, dôl pah kan ta nhih dak si 108. Ntơh măt kruanh rđău kan Đảng, Ngih dak, Kruanh Quốc hội Vương Đình Huệ mpư rnê, mbah rhơn, nkah gĭt n'hanh lah uĕh ăp rmôt nai dak si n'hanh nuĭh kan dak si lam dak lah nsum n'hanh nsum mpôl cán bộ, y bác sĩ, nuĭh kan Nhih dak si 108 lah êng yor ăp nău nsrôih an lĕ n'hâm suan nău gĭt blău bah he n'hanh ăp nău dơi têh kuâng hŏ dơi geh tâm bah ri aơ nơh.

Kruanh Quốc hội Vương Đình Huệ nsing nơm an lah, ăp jêr jŏt bah n'gâng kan dak si lah ta năp măt dơm n'hanh nkah ndray 68 năm mbra lah rnôk gay n'gâng kan dak si nsum suan, ndrel du nuih n'hâm rlău ngăch ăp jêr jŏt; nkre ŭch rŏng rmôt âk rlău 500.000 cán bộ dak si, nai dak si Việt Nam lam dak lah nsum, cán bộ, y bác sỹ bah Nhih dak si 108, ăp nuĭh nai dak si, nai ntĭm nti, tahen way lĕ nuih n'hâm an lĕ nău gĭt blău ƀư lôch jêh nău kan têh khlay bah he tâm n'gâng kan tăm nuĭh, kơl rêh kon nuĭh.