Kruanh Quốc hội Vương Đình Huệ ndrel mpôl pah kan tât an kao bah năp rup ndah Tổng Bí thư Nguyễn Văn Linh (nkual ƀon têh Hưng Yên, n’gor Hưng Yên). Tổng Bí thư Nguyễn Văn Linh lah kon hŏk gĭt blău bah Kruanh Hồ Chí Minh, lah nuĭh geh n’hâm soan têh ngăn đah nău kan cách mạng Việt Nam, lah Tổng Bí thư bôk năp bah Đảng he rnôk rgâl mhe.

Ta xă Quảng Lãng (nkuăl Ân Thi, n’gor Hưng Yên), Kruanh Quốc hội n’hanh mpôl pah kan tât râng ntơm ƀư Nkual Công nghiệp mrô 5 n’gor Hưng Yên. Nkual công nghiệp mrô 5 lah du nău nchrăp ƀư khlay bah n’gor Hưng Yên, geh dĭng lĕ rnoh neh rlău 192 ha, đah dĭng lĕ prăk dăn ntuh kơl rlău 2.300 rmen prăk, geh ta ăp nkuăl Ân Thi, Kim Đông. Di nkah gĭt 77 năm nar thể thao Việt Nam 27/3, Kruanh Quốc hội Vương Đình Huệ n’hanh mpôl pah kan lĕ khâl Ntŭk ntĭm nti chưng play druh ndăm (PVF). Ta aơ, Kruanh Quốc hội Vương Đình Huệ ndrel mpôl pah kan uănh ndoh ndơ ngih wâl bah ntŭk ntĭm nti; djăt nău mbơh mpeh nu nău kan bah ntŭk ntĭm nti n’hanh an ndơ ntrŭt nsôr ntŭk ntĭm nti, rmôt cán bộ, nuĭh way kan, nuĭh tiăr nti, nuĭh kan, ăp câu lạc bộ, ăp mon, ăp nuĭh tâm rlong mom bah PVF n’hanh Câu lạc bộ Bóng đá Công an Hà Nội.