Kêng măng nđaơ, 5/12, tâm trôm rơh kan ta Lào, Kruanh Quốc hội Vương Đình Huệ n’hanh Mpôl đại biểu gưl prêh Quốc hội dak he lĕ mâp măt ăp doanh nghiệp Việt Nam ta Lào. Tâm rgâl nău ta rơh mâp, ăp doanh nghiệp an gĭt, lĕ geh âk nău rgop uĕh âk ntil an wăng sa-rêh jêng Lào tâm âk ntil nău; nkre nta nău kan an hang rmưn nuĭh, nta an nău geh, rgâl nău rêh, ntop tay ntŭk sŏk an tơm prăk ngih dak Lào.

Ntoh ngơi ta rơh mâp, Kruanh Quốc hội lah uĕh Quốc hội n’hanh Chính phủ Lào lĕ tât uănh mĭn, dôh rklaih jêr jŏt an ăp doanh nghiệp Việt Nam; nkre rnê rhơn nuih n’hâm dŭt têh, naư nsrôih hao bah ăp doanh nghiệp Việt Nam, ta aơ nkô̆ nău khlay, nău ntrŭnh. Ta năp âk jêr jŏt nsum aƀaơ, Kruanh Quốc hội Vương Đình Huệ mpŏng ŭch ăp doanh nghiệp Việt Nam ta Lào nsrôih lơn n’hanh dŭt n’hâm lơn yor Đảng, Quốc hội n’hanh chính phủ 2 dak dôl nsrôih nkra njêng tay ntŭk ntô ntuh kơl nar lơ uĕh lơn.