Mpeh ăp nkô̆ nău pah kan khlay tâm khay 2, Kruanh Quốc hội đă ăp ngih pah kan rgum nchrăp uĕh an rơh rƀŭn bah Ủy ban Thường vụ Quốc hội (nchrăp jŏ tâm 4 nar). Du nkô̆ nău khlay êng nĕ lah Rƀŭn nchră lam dak n’glôch jêh trong kan Hội đồng nhân dân ăp n’gor, nkual ƀon têh mpeh tâm Trung ương (nchrăp ƀư ta Quảng Ninh).

Mpeh ăp nkô̆ nău trong kan khlay tâm 3 khay n’hanh lĕ năm, Kruanh Quốc hội Vương Đình Huệ đă Ủy ban Pháp luật ƀư tơm ndâk njêng bôk nău kan nđak njêng luật, pháp lệnh năm 2024, nkra di bôk nău kan ndâk njêng luật, pháp lệnh năm 2023, ăp ngih pah kan êng nchrăp tâm rgop đah ăp ngih pah kan dăn đă ăp nău nchrăp ƀư gay mbơh an Ủy ban Thường vụ Quốc hội, Quốc hội tĭng nău dơi mkra.