Jêh rơh ntơm ƀư Rƀŭn nchră gưl prêh Quốc hội 3 dak Campuchia-Lào-Việt Nam rơh bôk năp, ôi 5/12, Kruanh Quốc hội Vương Đình Huệ lĕ geh nău ntoh ngơi ta rơh rƀŭn lĕ rngôch. Kruanh Quốc hội Vương Đình Huệ lĕ geh Quốc hội 3 dak, lơn lah an ndrel ty, rgop soan, rgop nâp nâl n’gâng tơm nsing nơm chính treị, nău tâm rnglăp way ơm n’hanh tâm rnglăp Campuchia-Lào-Việt Nam.

Tâm boh tâm rnglăp dăch dêh, hăn ndrel n’hanh nsing nơm chính trị đah 3 dak campuchia-Lào-Việt Nam lah drăp ndơ khlay, geh nkô̆ nău khlay jŏ jong tâm nău kan ndâk njêng, mât njrăng n’hanh hun hao bah 3 dak. Việt Nam uănh khlay n’hanh uănh aơ lah nău kan têh n’hanh kơl lor bôk năp tâm nău kơl tâm rnglăp bah dih bah Việt Nam. Kruanh Quốc hội Vương Đình Huệ đă, Quốc hội 3 dak ntrŭt đă ăp Chính phủ n’hanh ăp ding geh tât ntrôl ƀư tĭng ăp nău rƀŏng hun hao nâp nâl lam ntŭr neh, rdâng đah rgâl trôk nar phŭt sial.