Kêng măng 11/12, ta Jay Quốc hội, Kruanh Quốc hội Vương Đình Huệ ôp srĭng nău đah Thủ tướng Campuchia Hun Manet dôl khâl ngăn Việt Nam. Ntơh măt Quốc hội Việt Nam, Kruanh Quốc hội Vương Đình Huệ mbah rhơn Campuchia ƀư geh nău dơi rơh bầu cử Quốc hội khóa VII; mbah rhơn Samdech Hun Manet dơi Quốc hội nsing nơm sơch ƀư Thủ tướng Chính phủ Hoàng gia.

Kruanh Quốc hội Vương Đình Huệ nsing nơm an lah, Campuchia mbra geh âk nău dơi têh kuâng lơn, rgop n’hao ntŭk gŭ kan ring tam bah Campuchia ta nkual n’hanh lam ntŭr neh. Ta rơh ôp srĭng nău, bar kruanh rđău kan ndrel rnê âk nău dơi tâm boh wăng sa, tăch rgâl đah bar dak. Năm 2022, nsĭt geh tăch bar ding lor bôk năp rlău 10 rmen đôlar. Tât aơ tay, bar ding ân rgum tâm boh, tâm kơl nsum rdâk njêng jâng wăng sa nsrôih ndôr êng lăp rgum dak bah dih jru hvi; n’hao dăng buăt nthoi tăch rgâl đah bar jâng wăng sa, lĕ ma buăt nthoi kram n’hanh buăt nthoi rbăn, lơn lah 2 ding ân n’hao dăng buăt nthoi ndơ dŏng ntung trong, tâm nê geh buăt  nthoi trong cao tốc, n’hao tay âk bôk ndeh păr đah ăp trong mpăr sŏng đah 2 dak….