Lŏ tâm rnôk hăn kan tâm ăp n’gor Đông Nam Bộ di rnôk năm mhe 2024, ôi 3/1, Kruanh Quốc hội Vương Đình Huệ ndrel rmôt hăn kan h pah kan đah Rnâng kan rđau kan n’gor uỷ Tây Ninh. Tâm năm 2023, nau văng sa rêh jêng bah Tây Ninh geh đăp mpăn ndrel hun hao. Ăp nau kan rêh jêng, ntŭk ntu kŏ geh nau dơi, tâm nê nkô̆ nau n’huch ach o geh ueh, rnoh rnăk ach o âk ding bah Tây Ninh hôm 0,67%, lah ngoai tâm ăp nkuăl geh rnoh ach o dêh ngăn lam dak.

Ntoh nau tâm nar pah kan, Kruanh Quốc hội Vương Đình Huệ rnê prêh nau nsôih chính trị, nau mŏng ndrel nau nsôih bah Đảng bộ, n’gâng kan ndrel ƀon lan n’gor Tây Ninh đah nau mĭn ndrel ăp nau kan tâm di bah gưl uỷ, n’gâng kan, jâng kan văng sa n’gor Tây Ninh hŏ rlet nau jêr, lŏ hun hao, đăp mpăn rêh jêng, mât chăm nŭih geh n’hâm, ngăn lah nau kan n’huch ach o nâp nâl geh nau dơi prêh. Kruanh Quốc hội Vương Đình Huệ đă, tâm rơh tât, n’gor Tây Ninh mât tâm dach nuih n’hâm bah Trung ương, Chính phủ nsôih gay geh dơi nau geh prêh ngăn bah lôch du bông kan./.