Di nkah 78 năm, nar Săch kan bôk năp bah Quốc hội Việt Nam (lơ 6/1/1946-6/1/2024), măng 5/1, Uỷ ban Rnâng kan Quốc hội ƀư nau pă nkhôm Giải báo chí lam dak mpeh Quốc hội ndrel HĐND geh moh: Giải Diên Hồng tal bar-năm 2024 ta Hà Nội. Kruanh Quốc hội Vương Đình Huệ râng nau pă nkhôm. 79 nau nchih geh Hội đồng chung khảo săch gay pă nkhôm Diên Hồng tal 2, geh 7 giải A, 14 giải B, 20 giải C ndrel 38 giải khuyến khích. Ăp nau nchih geh nkoch tât nau rêh, nau khuh n’gor bah nar rƀŭn, tâm dăch ma nau kan tơm, mbơh pă kloh ăp nau kan bah Quốc hội, HĐND ăp gưl ndrel ntoh măt ƀon lan đă.

Giải Diên Hồng tal 2, Radio Việt Nam geh 5 giải: ngoai giải A pă ân ăp nŭih: Tuyết Mai, Lê Tuyết, Vân Hồng, Uông Huyền, Hà Thảo, Ban Thời sự VOV1 đah ăp nau nchih: “N’hao gưl, pă nau nau rnơm”; 2 Giải B geh pă ân ăp nŭih: Ngọc Thành, Hà Phương, Boá Điện tử VOV News đah ăp nau nchih “Nhoat ndâk pháp luật ndrel ăp nau mhe tâm nar nchră rƀŭn” ndrel rmôt ăp nau nchih bah Đài truyền hình Kỹ thuật số VTC đah nau nchih “N’hâm dăng bah nau ơm” 2 giải khuyến khích bah ntŭk kan Radio nkuăl miền Trung ndrel ntŭk gŭ kan bah  Radio ta nkuăl Tây Bắc./.