Ôi 4/12, Kruanh Quốc hội Vương Đình Huệ n’hanh mpôl ntơh măt gưl têh Quốc hội dak he hŏ tât Thủ đô Vientiane ntơm râng tâm nchră gưl têh Quốc hội Campuchia-Lào-Việt Nam. Đah nkô̆ tơm bah rơh tâm nchră lah: “N’hao dăng nău khlay kan bah Nghị viện tâm nău ntrŭt ntrôl tâm boh lam lĕ rngôch đah Campuchia, Lào, Việt Nam”.

Nchrăp, mpôl đại biểu Quốc hội Việt Nam mbra geh ăp nău kan ta tâm nchră kơt: Kruanh Quốc hội Vương Đình Huệ geh nău lah khlay ta rơh hop rgum lam lĕ rngôch n’hanh n’glôch jêh; ăp nău rblang bah Ủy ban tâm boh dak bah dih, wăng sa, njrăng n’gang neh dak n’hanh rnă njrăng ta rơh hop ăp Ủy ban; ăp nău nchrăp lor dăn đă ta rnôk tâm nchră bah n’gâng kan geh tât; ntơh măt ăp n’gor mpeh nkual pe njônh hun hao bah Việt Nam kơt Kon Tum, Dak Lak, Dak Nông, Bình Phước, Gia Lai. Bah meng nê, hôm âk nău rgop bah ăp đại biểu Quốc hội, ntơh  măt ăp n’gâng kan râng rơh hop. Nar 4/12, Kruanh Quốc hội Vương Đình Huệ hŏ tâm nchră đah kruanh Quốc hội Lào Saysomphone Phomvihane.