Nar 20/3, Ủy ban Thường vụ Quốc hội hŏ ƀư rơh ôp rkhêl ta rơh hop tâl 21 mpeh ăp rmôt nkô̆ nău nhih phat dôih n'hanh kiểm sát. Lah ta rơh ntơm ôp rkhêl, Kruanh Quốc hội Vương Đình Huệ njrăng đă, nkô̆ ôp lĕ 2 trong kan  geh n'glĕ nău kan têh hvi da dê, ăp nuĭh đại biểu Quốc hội ôp glêh, sŏng di tâm nkô̆ nău.

Ăp kruanh n'gâng kan ơh sŏng dăng, glêh di, ƀư kloh ăp nkô̆ nău đại biểu Quốc hội ôp, nkre dăn đă ăp trong nkra ngăn ngăn, geh nău tam, geh nău dơi gay n'hao nău dơi kan, geh nău tam pah kan ƀĭt juet bôk nău kan he mât, tŏng đah nău ŭch geh, nău mpŏng bah cử tri n'hanh ƀon lan lam dak. Rơh ôp dja lah rnôk gay ăp kruanh n'gâng kan mbơh gĭt tât lam nuĭh, cử tri ăp nău lư di mpeh lôch jêh pah kan bah n'gâng kan he nơm. Kêng dŭt rơh ôp, Ủy ban Thường vụ Quốc hội mbra n'gluh an dŏng nghị quyết gay ƀư ntŭk nsing n'hanh groi nđôi.