Kêng măng 12/1, Ta Ngih Quốc hội, Kruanh Quốc hội Vương Đinh Huệ rgum ôp Tổng thống Indonesia, Joko Widodo dôl geh rơh khâl gưl ngih dak tât Việt Nam. Kruanh Quốc hội Vương Đình Huệ lah rjăp, rơh khâl geh nkô̆ nău khlay rnôk 2 dak mhe nkah 10 năm tâm boh kan ndrel (2013-2023); nsing nơm lôch uĕh bah rơh khâl mbra geh nău uĕh khlay gay 2 dak ndrel rƀŏng tât tâm boh kan ndrel hao prêh mhe, rƀŏng tât nkah gĭt 70 năm 2 dak ndâk njêng tâm boh tâm rnglăp tâm năm 2025.

Ta rơh rgum ôp, 2 kruanh tâm ban ŭch tay n’hao tâm rgâl mpôl kan gưl prêh, n’hao săk rnglăy ăp trong kan ndrel geh aƀaơ, nsrôih ndơ̆ geh prăk tăch rgâl ăp ding ơm geh 15 rmen đôlar, 2 ding dơh an ăp ntil ndơ tăch n’gluh tơm khlay bah 2 dak; tâm pă nău blău ơm ndâk njêng trong ƀư hun hao nău kan công nghiệp; ntop kơl ntrŭt ăp nău kơl gay ntrôl dăng rgâl ŭnh  nar; đăp mpăn tâm nău ŭnh nar nkra njêng tay. Kruanh Quốc hội Vương Đình Huệ mpŏng 2 dak tâm rgop rjăp lơn tay tâm rnôk Chính phủ kơt nghị viện gay nâp nâl tâm rnglăp, tâm ban ŭch, nău ƀư tơm khlay bah ASEAN, mât uĕh nău ƀư tơm bah IPA kơt mât đăp mpăn ta nkual.