Ôi 8/1, Kruanh Quốc hội Vương Đình Huệ hŏ ƀư tơm rơh wơt ngăn Kruanh Quốc hội Rô-zen Đi-mi-tơ-rốp Zê-ri-a-kov n’hanh Mpôl đại biểu gưl têh dak Cộng hòa Bun-ga-ri khâl ngăn Việt Nam. Ta rơh tâm nchră, bar ding mpơl nău rhơn n’hanh n’hao êng săk mpeh nău dơi hŏ geh bơi 75 năm bar dak njêng tâm boh Việt Nam - Bun-ga-ri hun hao nsrôih uĕh ta lĕ rngôch ăp trong kan chính trị - tâm boh, wăng sa-  tăch rgâl- ntuh kơl, khoa học - công nghệ, ntĭm nti – njrăng n’gang neh dak- rnă njrăng, văn hóa, thể thao n’hanh pâl nđaih, tâm boh n’gor.

Bar kruanh Quốc hội ndrel tâm ban ŭch an lah, bar ding ơm hop Ủy ban bar Chính phủ mpeh tâm boh wăng sa, tăch rgâl n’hanh khoa học tâm năm aơ, pơk luh ăp trong kan tâm boh mhe, nta trong dơh an ndơ tăch nsum bah ăp nău tâm ton dah rŏng tăch rgâl tă bah Việt Nam – EU EVFTA. Việt Nam pơk mpông an ăp doanh nghiệp Bun-ga-ri ntuh kơl, tăch rgâl ăp ndơ săk geh âk. Mpeh Bun-ga-ri ŭch rŏng tâm boh tâm rsong tăch rgâl đah Việt Nam tâm ăp trong kan săk geh kơt công nghệ mhe; dak si, công nghệ thông tin, blău ƀư mhe, pâl nđaih./.