Ta rơh tâm mâp, ăp đại sứ Việt Nam ta du đê̆ ntŭk lĕ mbơh lĕ mbơh tơih mpeh nău pah kan bâh nttŭk kan ndơn kan Việt Nam ta ntŭk kan, tâm boh kan đah Việt Nam đah ăp dak, lah na nê̆ ăp nău dơi geh ntoh lư tâm ăp rơh tât khâl bâh kruanh Quốc hội Vương Đình Huệ tât ăp ngih dak tâm ba năp nơh lĕ ntop dŭt âk khlăy gay ma ntrôl nău tâm boh Việt Nam đah ăp dak, ƀư ueh lơn ăp trong kan tâm kơl way ơm, njêng nău kan khlăy gay ma pơk luh du trong tâm kơl kan mhe.

Ntoh ngơi ta rơh tâm mâp, kruanh QH Vương Đình Huệ mpơl nău rhơn vơt ăp đại sứ, kruanh ndơn kan ăp ntŭk kan nchră nău đah dak bah dih bâh Việt Nam ta dak bah dih, lah na nê̆ nău kan đah dak bah dih tâm ba năp nơh lĕ geh âk nău dơi, nău geh nsum bâh neh dak tâm âk năm ba năp nơh. Ngăn lah tâm nău ta lam ntur neh geh âk nău jêr, jêr njrăng, yơn nău kan nchră nău đah dak bah dih lĕ geh âk nău dơi nđâp mpeh nău kan 2 dak, âk ding, blău tâm nău kan jŏ jong, mât nâp rnă njrăng ntŭk gŭ rêh đăp mpăn an hun hao, lăp kan ndrel đah lam ntur neh têh hvi.