Kêng măng 7/3, ta ntŭk kan Quốc hội, kruanh QH Vương Đình Huệ vơt ndơn kan rmôt kan ăp ntŭk kan wăng sa Nhật Bản Keidanren dôl tât khâl, pah kan ta Việt Nam n’hanh tât rang rơh tâm nchră nău wăng sa gâl têh Việt Nam- Nhật Bản di rơh kahgĭt 50 năm njêng nău tâm boh kan nchră nău đah dak bah dih Việt Nam- Nhật Bản 21/9/1973-21/9/2023.

Ntoh ngơi ta rơh vơt, kruanh QH Vương Đình Huệ an gĭt, tâm let năp tay, QH Việt Nam mbra mbơh du đê̆ luật dŭt khlăy, kơt nău nchrăp Luật neh ntu rgâl mhe, Luật tăch rgâl neh ntu mhe rgâl, Luật rgâl nkra, ntop du đê̆ nkô̆ bâh Luật ăp ntŭk kan an manh prăk, Luật hun hao công nghiệp. Kruanh QH dăn đă gay ma Quốc hội Việt Nam ƀư lôch ăp nău nchrăp luật dŭt khlăy aơ. Ndơn kan Keidanren ton mbra ndrel đah ăp doanh nghiệp Nhật Bản nsrôih lĕ soan nơm tâm rgop an nău hun hao bâh Việt Nam n’hanh Nhật Bản tâm let năp tay ntop ndrel đah chính phủ Việt Nam ƀư ting ăp nkô̆ mpŏng ngluh mbơh.