Kêng măng 28/2, ta ngih kan Quốc hội, Kruanh Quốc hội Vương Đình Huệ vơt wa Park Hark Kyu, Tổng Giám đốc ƀư nau kan tơm prăk Công ty Samsung Electronics. Kruanh Quốc hội Vương Đình Huệ rnê prêh nau kan tăch rgâl bah rmôt ăp Công ty Samsung ta Việt Nam. Ŭch Samsung lŏ ntuh kơl jŏ jong, hun hao ta Việt Nam, Kruanh Quốc hội lah rjăp, Quốc hội Việt Nam, Chính phủ Việt Nam mro uănh kơl an ntŭk ntu ntuh kơl tăch rgâl, n’hao nau kan ntul rlong.

 Pơk trong nơih ueh ngăn ân ăp tơm ntuh kơl pah kan jŏ jong ndrel trong nơih tâm Việt Nam. Wa Park Hark Kyu lah rjăp, Samsung mra dơi ntuh kơl jŏ jong ndrel lŏ geh âk nau dơi ta Việt Nam, aơ lah nau kơl an, pơk trong nơih ngăn bah Quốc hội, Chính phủ Việt Nam hŏ ndâk ntŭk ntu ntuh kơl ueh ngăn ân ăp ntŭk kan tăch rgâl. Rơh tât, ntŭk kan tăch rgâl mra nsôih lôch n’hâm ân ntŭk kan ntuh kơl têh ndrel jŏ jong ta Việt Nam./.