Kruanh Quốc hội Vương Đình Huệ mbah rhơn ăp nău dơi geh têh, lĕ rngôch ma Đảng, Ngih dak Lào lah nsum, Quốc hội Lào lah êng lĕ dơi geh tâm năm bah năp; uănh lah prêh bôk nău ma rmôt kan uănh khlay rơh khâl pah kan aơ, nĕ lah mpeh n’gâng kan ƀĭt joet, nău kan bah n’gâng kan ƀon lan Trung ương n’hanh ƀon lan.

Kruanh Quốc hội Vương Đình Huệ mĭn lah, Quốc hội Việt Nam nchrăp tâm rgâl nău blău ơm đah Quốc hội Lào n’hanh dŭt ŭch uănh mĭn ntrong kan uĕh, nău blău ơm khlay bah mpeh băl gay Quốc hội Việt Nam ƀư kan nar lơ săk rnglăy lơn. Tâm năm 2023, Quốc hội Lào mbra rgum rgâl mhe trong ƀư nău kan n’hanh n’hao uĕh nău kan, ƀư sŏk n’ha phiếu nsing nơm săch đah ăp nuĭh mât nău kan bah Quốc hội Lào săch, uănh an di tâm năm 2023.