Kêng măng 4/1, ta Ngih Quốc hội, Kruanh Quốc hội Vường Đình Huệ wơt Groi Kruanh Quốc hội Lào Lào Chaleun Yiapaoher dôl geh rơh khâl n’hanh pah kan ta Việt Nam. Kruanh Quốc hội Vương Đình Huệ nkoch nău răm rhơn wơt Groi Kruanh Quốc hội Lào ta Việt Nam, nuĭh năch dak bah dih bôk năp tât khâl pah kan đah Quốc hội Việt Nam ntơm bôk năp năm 2024; lah rjăp tâm boh 2 Đảng, 2 Ngih dak n’hanh ƀon lan 2 dak dôl hun hao dŭt uĕh.

Kruanh Quốc hội nkoch nău nsing nơm rơh rgum nchră đah Groi Kruanh Quốc hội Lào đah Groi Kruanh Quốc hội Nguyễn Khắc Định n’hanh ăp rơh pah kan đah Văn Phòng Quốc hội, Viện mĭn njêng lập pháp mbra geh săk rnglăy đah ăp nkô̆ nău ngăn ngên, tâm di nău ŭch pah kan bah Rmôt kan.