Lah ta rơh wơt Kruanh Đảng dân chủ lập hiến Nhật Bản (CDP) Izumi Kenta ta Jay Quốc hội tâm kêng măng ntri (30/8), Kruanh Quốc hội Vương Đình Huệ an lah, tâm 50 năm aơ, tâm boh Việt Nam-Nhật Bản hŏ hun hao uĕh lăng. Kruanh Quốc hội Vương Đình Huệ lah rjăp, tâm trong kan tâm boh dak bah dih bah Việt Nam way ŭanh khlay tâm boh đah Nhật Bản; ŭch rŏng bar ding n’hao dăng ta lĕ rngôch ăp trong kan Đảng, Chính phủ, Quốc hội, tâm nđŭr ƀon lan, tâm boh đah doanh nghiệp đah doanh nghiệp, n’gor đah n’gor.

Bar kruanh rđău kan ndrel an lah bar ding ân n’hao dăng tâm khâl ăp mpôl kan gưl têh, ăp gưl, rmôt nghị sỹ tâm rnglăp gay ndrel tâm pă nău tă ơm gĭt kan, tâm nê geh ăp trong kan njêng pháp luật, groi nđôi n’hanh n’glêh an ăp nkô̆ nău khlay bah neh dak. Bar ding ndrel lah rjăp, Việt Nam n’hanh Nhật Bản nsrôih n’hanh ŭch tĭng nău mĭn tâm trong mât đăp mpăn, nkra tâm pit ta dak lêng ma trong đăp mpăn, tâm di đah luật pháp dak bah dih, tâm nê geh Công ước Liên hợp quốc mpeh Luật biển năm 1982.