Kêng măng 23/2, ta Jay Quốc hội, Kruanh Quốc hội Vương Đình Huệ hŏ wơt wa David Mcallister, Kruanh Ủy ban Đối ngoại bah Nghị viện châu Âu (EP).

Kruanh Quốc hội Vương Đình Huệ lah rjăp, Liên minh châu Âu lah dak tâm boh khlay dâk bôk năp tâm trong kan tâm boh dak bah dih bah Việt Nam. Yor kơt nê̆, Việt Nam ŭch rŏng n'hao dăng ntrŭt ntrôl tâm boh đah EU tâm ban kơt ăp dak lăp kan nsum; nkre rnê âk ăp nău dơi geh khlay tâm boh Việt Nam  - EU ta ăp n'gâng tơm chính trị; tâm boh dak bah dih; tăch rgâl; ntuh kơl, tuch tăm mât rong; tui ka; njrăng n'gang neh dak- rnă njrăng; tâm boh ntuh kơl hun hao; tâm dâl nău dơi kon nuĭh...Măt êng, Quốc hội Việt Nam way ŭch n'hao tâm boh têh jong ASEAN-EU n'hanh mbra nsrôih tĭng ƀư tâm trong kan dja. Kruanh Ủy ban Đối ngoại bah Nghị viện châu Âu an gĭt, hăn khâl n'hanh pah kan ta Việt Nam gay ntrŭt ntrôl âk lơn tâm boh đah EU n'hanh ASEAN; nkre n'hao dăng tâm boh nghị viện.