Kêng măng 14/2, Kruanh Quốc hội Vương Đình Huệ hŏ wơt Mpôl doanh nghiệp bah Hội đồng Tăch rgâl EU-ASEAN. Lah ta rơh mâp măt, Kruanh Quốc hội Vương Đình Huệ lah rjăp, Việt Nam dŭt ŭanh khlay, rnê âk, nkre ŭch rŏng ntrŭt ntrôl tâm boh đah Liên minh châu Âu (EU), Hội đồng Tăch rgâl EU-ASEAN ntik uĕh tay nău khlay kan, njêng ntung njŏ nsing nơm, ntop kơl uĕh an doanh nghiệp n'hanh ăp nuĭh ntuh kơl EU tâm ASEAN lah nsum n'hanh ta Việt Nam lah êng.

Kruanh Quốc hội lah rjăp, Quốc hội Việt Nam, tâm ăp nău n'glêh an bah he, yor ma nău nta trong dơh an hun hao ngăch n'hanh nâp dăng, ntrŭt ntrôl nău lăp rgum nar lơn ma geh nău tam bah Việt Nam tâm nkual n'hanh lam ntŭr neh. Aơ lah rnoh ŭch tât kan mbro mô rgâl tâm 76 năm Quốc hội tâm ban kơt Quốc hội khoá XV. Quốc hội sŏk doanh nghiệp, nuĭh ƀon lan lah n'gâng tơm tâm ăp trong n'glêh an.