Nkhêp geh wa Võ Văn Thưởng dơi Quốc hội khóa XV sơch ƀư Kruanh dak Cộng hòa xã hội chủ nghĩa Việt Nam, kruanh rđău kan ăp dak n'hanh  ăp mpôl kan dak bah dih: Brunei Darussalam, Singapore, Đại Hàn Dân Quốc, Australia, Belarus, Bangladesh, Luxembourg, Nicaragua, ASEAN n'hanh Nhih pah kan tuch tăm ndơ sa Liên hợp quốc hŏ njuăl siƀŭt mbah rhơn.

Tâm siƀŭt njuăl, Kađăch Brunei Darussalam Haji Hassanal Bolkiah lah rjăp ŭch rŏng tâm boh lhăt đah Kruanh dak Võ Văn Thưởng tâm let năp tay gay ƀư jru hvi lơn đŏng tâm boh dŭt khlay đah bar dak lĕ ma ta bar ding tâm ban kơt đah nău ƀư lah băl tâm boh dêh bên tâm ASEAN. Tâm siƀŭt mbah rhơn, Tổng thống Cộng hòa Singapore Halimah Yacob n'hanh Thủ tướng Lý Hiển Long nsing nơm bar dak mbra tâm boh dăng lơn đŏng tâm ăp trong kan mhe kơt ŭnh nar sĭt jêng tay n'hanh tín chỉ carbon; mpơl nău ŭch rŏng tâm  boh lhăt đah Kruanh dak Võ Văn Thưởng gay n'hao dăng lơn đŏng tâm boh ndrel nsĭt geh đah bar dak.