Tâm ăp nar rlău aơ, kruanh rđău kan ăp đảng, ăp dak njuăl tay siƀŭt mbah rhơn wa Tô Lâm nkhêp geh păng dơi Ban Chấp hành Trung ương Đảng Cộng sản Việt Nam n’hao ƀư Tổng Bí thư. Tâm siƀŭt njuăl mbah rhơn, Thủ tướng Singapore nsing nơm an  lah tâm boh lhăt đah Singapore n’hanh Việt Nam mbra dơi n’hao dăng tay ta nâm nău rđău kan bah Tổng Bí thư, Kruanh dak Tô Lâm. Tổng Thư ký Đảng dâk  kan ƀon lan Singapore Lý Hiển Long lah rjăp Singapore way ndrel Việt Nam rƀah ngăch ăp trong  dơh geh n’hanh trong nchrăp tâm nkual, pơk hvi tâm boh n’hanh ƀư jru hvi lơn  tâm boh đah bar đảng, n’hao  tâm boh bar ding đah bar dak hao prêh mhe.

Thủ tướng Australia mbah rhơn wa Tô Lâm dơi sơch ƀư  Tổng Bí thư Ban Chấp hành Trung ương Đảng Cộng sản Việt Nam, lah rjăp Australia n’hanh Việt Nam lah ăp nuĭh băl jŏ jong, tâm boh bar dak geh jâng nsing lah tâm boh lhăt đah ƀon lan bar dak n’hanh nău nsing nơm chính trị têh jong. Đảng Cộng sản Mỹ lah rjăp nău gĭt wât jru bah Tổng Bí thư, Kruanh dak Tô Lâm mpeh ăp nău way bah chủ nghĩa Mác-Lênin n’hanh ăp trong kơl bah Đảng Cộng sản Việt Nam hŏ tor jêng trong rđău kan blău mhe n’hanh blău êng bah wa, rgop rdâk njêng Việt Nam jêng du nău rêh têh uĕh mhe, geh ntŭk tăch rgâl wăng sa rƀŏng xã hội chủ nghĩa, du neh dak ntĭt leo lor đah nău rêh nar lơn ma  n’hao geh.