Khay 9/2023, ta nkual ƀon têh Pleiku, n’gor Gia Lai, Kruanh dak Võ Văn Thưởng tât khâl, pah kan ta Binh đoàn 15 - đơn vị geh bơi 40 năm tĭng ƀư nău dơn kan rdâk njêng ăp nkual wăng sa njrăng n’gang neh dak ta nkual Tây Nguyên.

Lah rjăp, nkual Tây Nguyên geh ntŭk gŭ khlay, lah chor jay Đông Dương, Kruanh dak dăn đă Binh đoàn 15 đăm gĭt jru tay nău mĭn, gung trong tahen, njrăng n’gang neh dak bah Đảng, Quân ủy Trung ương, Bộ Quốc phòng, rƀah gĭt trong mât njrăng neh dak tâm nô nău mhe, Nghị quyết bah Bộ Chính trị mpeh trong rƀŏng hun hao wăng sa – rêh jêng kon nuĭh n’hanh đăp mpăn njrăng n’gang neh dak, rnă njrăng Tây Nguyên tât năm 2030, uănh ngai tât năm 2045. Kan nsum lhăt đah gưl ủy, n’gâng kan n’hanh ƀon lan ta nkual gay nsrôih tĭng ƀư ăp nău dơn kan hun hao wăng sa rêh jêng kon nuĭh; mât nău khlay dâk hăn lor tâm trong tĭng ƀư ăp nău dơn kan bah n’gor đah ntŭk tahen gŭ kan.

Khay 8 năm 2023, Thủ tướng Phạm Minh Chính pah kan đah Rnâng kan n’gor uỷ Kon Tum mpeh nau ƀư nau kan hun hao văng sa, rêh jêng. Thủ tướng Phạm Minh Chính rnê ăp nau nsôih ndrel rnê ăp nau tă geh dơi bah Đảng bộ, n’gâng kan, tahen ndrel ƀon lan n’gor Kon Tum.

Tâm rơh tât, Thủ tướng đă Kon Tum ân geh hun hao ngăch, dăng, nâp nâl lơn, ân geh ƀư nâp rnă njrăng neh dak, đăp mpăn tâm nkuăl rnoi mpôl đê̆, nkuăl tĭng chroh, nkual n’har bri ndrel ƀư rjăp mô ân geh ndrât ndal tây nau kan đăp mpăn chính trị. Ndâk nkuăl mpeh nau tâm boh văng sa lam ntur neh, tâm ban, rjăp, săk tam ndrel ân geh mât dơi nau ueh ơm yau bah ăp rnoi. Thủ tướng đă bah năp măt ân geh rgum kơl an kơp uănh ăp nkô̆ nau, nau kan gay ma rgum rđau, tu tơm ƀư ueh mhe, geh săk tam, năm ba kơi ân prêh lơn năm bah năp ndrel nsôih ân geh rlet ăp nkô̆ nau nchrăp luh./.