Ôi 22/12, Mpôl pah kan bah Rnâng kan Tỉnh ủy, UBND n’gor Dak Lak hŏ tât khâl, mbah rhơn ăp ntŭk chroh rƀŭn ta n’gor nkhêp geh rnôk Noel năm 2023. Kruanh rđău kan n’gor Dak Lak njuăl nău mbah rhơn n’hâm suan n’hanh dăn an ăp kruanh chroh ndrel kônh wa kon chroh ta n’gor wơt du khay Noel đăp mpăn, rhơn răm.

Nkre ŭch rŏng ăp kruanh chroh rgŏ jă tay kônh wa kon chroh, tĭng ƀư jăp trong nchrăp, gung trong bah Đảng, trong kơl pháp luật bah Ngih dak, way tâm rnglăp n’hanh geh âk nău kơl an hun hao wăng sa, rêh jêng kon nuĭh ta n’gor. Ntơh măt ăp ntŭk chroh rƀŭn hŏ njuăl nău lah uĕh kruanh rđău kan n’gor n’hanh ăp n’gâng kan uănh khlay, nta trong dơh an ƀon lan kon chroh tĭng ƀư nău dah rŏng tĭng chroh rƀŭn. Tâm let năp tay, nsum mpôl chroh bap mbra tĭng ƀư jăp trong nchrăp, trong kơl pháp luật bah ngih dak, ntik n’hao nău way ơm uĕh lăng rêh uĕh chroh uĕh, ndrel rdâk njêng tâm rnglăp lam rnoi nuĭh, ndrel n’gor tâm rdâk njêng n’hanh hun hao n’gor nơm nar lơn ma têh ndrŏng uĕh./.