Ntik nău dơh geh, lor nchrăp kan nsum tâm boh hun hao tuch tăm nđĭr uĕh, n’hao rnoh khlay ndơ geh ƀư tuch tăm Dak Nông, aơ lah nkô̆ rơh tâm dâl nău đah Kruanh UBND n’gor Dak Nông đah 200 ƀon lan kan lŏ mir, hợp tác xã, rmôt tâm boh ntoh lư ta n’gor.

 Ta tâm nchră, âk ƀon lan kan lŏ mir ôp đah kruanh rđău kan n’gor Dak Nông, nkô̆ rgum âk mpeh ăp jêr jŏt tâm tơm  prăk ntuh kơl, trong kơl manh prăk, trong kơl neh ntu, pah kan dăp rgum tuch tăm, nău tâm rgop  kan 4 nuĭh kan gay nkra bah nău “ndơ tuch tăm jŭr geh, rnoh khlay jŭr thuk”. Nkoch ndrel ƀon lan kan lŏ mir, wa Hồ Văn Mười, Kruanh UBND n’gor Dak Nông an gĭt, ăp năm rlău aơ, tuch tăm bah n’gor hŏ hun hao lam lĕ rngôch, lah ngoăy tâm 3 n’gâng tơm wăng sa. Nkre lah rjăp, n’gor rgum rđău  đă tay ăp kôp ăp  nău dơn kan, trong nkra, ra uănh tay, nsŏng kơl, rgâl nkra, kơi ntop tay ăp trong kơl droh rklaih jêr jŏt, kŏ kol, nta trong dơh, tơm ndơ, ntŭk dơh soih ntrŭt nsôr ntuh kơl ntop kơl ƀon lan kan lŏ mir, hợp tác xã hun hao./.