Liên Khương aƀaơ lah Cảng hàng không tâm dak kơl an nău mpăr hăn bâh bon lah n’hanh tahen, vơt dơn ăp rơh mpăr bâh dak bah dih mô nă way hăn nsong n’hanh ta ntŭk way hăn. Tĭng nău mbơh bâh UBND n’gor Lâm Đồng, bâh bôk năm tât aƀaơ, Cảng hàng không Liên Khương kơl an 40 rơh mpăr ta ntŭk hăn n’hanh tât tâm du nar, đah rnoh năch 6.700 tơ̆. Êng ăp trong mpăr đah dak bah dih, bâh năm 2017 tât aƀaơ, lĕ kơl an 1.723 rơh mpăr, đah lĕ rnoh bơi tât 238 rbăn năch dak bah dih.

Yơn lah, aƀaơ, Cảng hàng không Liên Khương ê hŏ geh dŏng trong mpăr đah dak bah dih tât ta Singapore, tâm rnôk ăp lah nkual geh nău dơi têh mpeh tâm kơl ntuh kơl, hun hao pâl nđaih, tâm nđur tăch drăp ndơ. Yor nĕ, UBND n’gor Lâm Đồng đă Công ty Cổ phần hàng không Vietjet mbơh trong mpăr đah dak bah dih bâh Cảng hàng không Liên Khương tât Singapore.