N’gor ủy Lâm Đồng mhe ƀư rƀŭn nchră mât uănh, mbơh ƀư nău rgâl mhe dăp tay rmôt kan ƀĭt joet tĭng trong nchrăp bah Ban Ntĭm rđău Trung ương mpeh n’glôch jêh nghị quyết 18. Ta rƀŭn nchră, N’gor ủy Lâm Đồng mbơh nău ntrŭnh ndâk njêng Ban ntĭm rđău n’glôch jêh nău ƀư tĭng nghị quyết mrô 18 mpeh tâm n’gor ủy Lâm Đồng yor wa Nguyễn Thái Học, Quyền Bí thư N’gor ủy Lâm Đồng ƀư kruanh ban.

Mpeh rmôt n’gâng kan ƀon lan nchrŏng trong dăp rgum n’hanh rgum nsum N’gâng kan Kế hoạch n’hanh Đầu tư đah N’gâng kan Prăk kaih; N’gâng kan ntung trong đah N’gâng kan Xây dựng; N’gâng kan Tài nguyên n’hanh Môi trường đah N’gâng kan Tuch tăm mât rong n’hanh Hun hao ƀon lan; N’gâng kan thông tin n’hanh Truyền thông đah N’gâng kan Khoa học n’hanh Công nghệ; N’gâng kan lao động, Thương binh n’hanh Xã hội đah N’gâng kan Nội vụ. Nkre, rgâl nău kan mât uănh ngih dak mpeh du đêt nău kan mpeh tâm ăp n’gâng kan ơm an ăp n’gâng kan mhe tâm di. Mpeh nchrŏng trong pah kan cán bộ, dăp tay rmôt cán bộ hăn ndrel đah nuih n’hâm n’hŭch biên chế; săch cán bộ đah nuih n’hâm “Gĭt blău ntoh lư, nău rêh ntoh lư, trong pah kan janh dăng, dơi lah, dơi ƀư”, lôch uĕh, lôch blău ngăn nău kan.