Ôi 7/12, HĐND n’gor Lâm Đồng ntơm pơk rơh hop tâl 12 HĐND n’gor khóa 11 năm kan 2021-2026 gay ŭanh năl jêh geh tĭng ƀư nău dơn kan hun hao wăng sa- rêh jêng kon nuĭh năm 2023, trong rƀŏng, nău dơn kan năm 2024. Bah meng ăp nău dơi uĕh, wăng sa- rêh jêng kon nuĭh năm 2023 bah n’gor Lâm Đồng tâm rdâng đah âk ntil nău jêr jŏt, 4/18 rnoh nău kan mô dơi tât tĭng trong nchră.

Bol wăng sa mât rnoh hun hao 5,63% yơn mô hŏ đăp mpăn n’hanh jŏ jong. Công nghiệp – rdâk njêng hun hao đêt; nău kan ƀư njêng, tăch rgâl bah nuĭh ƀon lan, doanh nghiệp mô dơh soih tă bah khuch hao khlay ndơ, prăk dŏng rvăt lŭ loih hao âk. Pah kan sŏk geh ngân sách ngih dak mâp dŭt âk jêr jŏt, tâm nê ăp rnoh prăk sŏk soăy, prăk nkhôm, prăk rngleh geh 87,8%, sŏk geh bah jay, neh dah 85,8% trong nchrăp sŏk dŏng ta n’gor. Bah meng nê, n’gluh tơm prăk ntuh kơl hôm mbrơi, trong tâm, đă ntrơn du hôm mâp âk kŏ kol. Pah kan wăch rgum ntuh kơl, lơn lah trong nchrăp geh tơm prăk ntuh kơl dak bah dih rgâl tât mbơi. Nău rgâl dơh glêh siƀŭt, rgâl soih aih ntŭk ntuh kơl tăch rgâl mô hŏ tŏng nău ŭch geh./.