Ta meng ăp nău geh ueh, rơh rƀŭn nchră uănh năl trong kan hun hao mbơh tơih nghị quyết, ta ntŭk hôm nha geh âk nău mô dơi.

Na nê̆ lah nău leo kan, ntĭm đă bâh du đê̆ gâl ủy, n’gâng kan, nău nchrăp mbơh tơih ƀư tĭng ta du đê̆ ntŭk leo kan đảng, ntŭk kan, n’gâng kan hôm nha mbrơi, ê hŏ tâm di đah nău ntgăn, nău gĭt vât bâh du đê̆ nuĭh cán bộ, đảng  viên, ƀon lan ê hŏ gĭt na nê̆ n’hanh lĕ rngôch. Gay ma ndâk nsơm ăp nău mô dơi aơ, rơh rƀŭn nchră ngluh mbơh 10 nău kan n’hanh trong kan rgum mbơh tơih ƀư tĭng tâm let năp tay. Tâm nĕ, uănh khlăy tât nău n’hao nău khlăy, nău kan n’hanh soan dăng văn hóa, nău mĭn pă ntop bâh cán bộ, đảng viên n’hanh ăp ƀon lan, rdâk njêng kon nuĭh geh nău mĭn ueh, nău gĭt blău n’hanh nău rêh ueh, geh gĭt đah nău mĭn mpôl rnoi, nău tâm rŏng, ƀon lan ƀư tơm n’hanh khoa học.