Kêng ôi 21/12, rơh mpăr sŏng tă bah Seoul (Hàn Quốc) tât Đà Lạt (Lâm Đồng) lĕ jŭr tach ndeh păr Liên Khương tâm rnôk 3 mông, pơk bôk an trong mpăr nthoi Seoul-Đà Lạt đah âk mpăr 7 tơ̆ sĭt hăn/pơh. Trong mpăr Seoul-Đà Lạt dơi ƀư yor Hãng hàng không Jeju Air bah Hàn Quốc. Jêh rơh mpăr bôk năp, hãng hàng không aơ mbra mât 7 rơh mpăr sĭt hăn/pơh. Aơ lah trong mpăr sŏng tal 3 nthoi bah Hàn Quốc tât Đà Lạt.

2 trong mpăr sŏng lĕ pơk bah năp nĕ lah Đà Lạt-Busan n’hanh Đà Lạt-Jeju. Tĭng wa Nguyễn Ngọc Phúc, Groi Kruanh UBND n’gor Lâm Đồng, bah bôk năm tât aƀaơ, Đà Lạt-Lâm Đồng wơt rlău 363.000 nuĭh năch dak bah dih, tâm nĕ năch tât bah Hàn Quốc geh 60%. Nău pơk tay trong mpăr Đà Lạt-Seoul mbra rgop hun hao nău kan pâl nđaih n’hanh wăng sa bah 2 ntŭk.