Jêh 7 năm n’gul kơp ntưm nar ndâk, trong hăn Đông-Tây nkuăl ƀon têh Buôn Ma Thuột, n’gor Dak Lak mơ ngăn ngên geh âk nau ê nkra ngăch ndal. Nau mpêt jâk bah n’gâng kan nkuăl ƀon têh đă nŭih tơm ntuh kơl tâm n’gul khay đŏng, ntŭk nkra rnoh rlau 1.200 rmen aơ ân geh leo lăp dŏng, kơl an ân Lễ hội cà phê Buôn Ma Thuột tal 8 năm 2023. Nau nkol ngăn mpeh rnoh neh gay ma nkra trong hăn ntơm bah trong Đinh Tiên Hoàng-Lê Duẩn hăn tât ntung dak jăng Ea Tam hŏ geh rklaih nkra ntơm bah dŭt năm e.

Rnôk aơ, ăp bôk ndeh hŏ dơi geh hăn ro tâm ntung. Trong hăn Đông tây tâm aơ jong 6.9km mô knŭng ƀư rhuăt gleh trong hăn ntơm bah mpông tach ndeh mpar Buôn Ma Thuột tât tâm nklang nkuăl ƀon têh, ma hôm pơk luh ntrong hun hao mhe mpeh ba dâng. Ntơm bah trong aơ mra dơi uănh bơi lĕ nkuăl ƀon têh Buôn Ma Thuột, tâm rngop ma nglau Ea Tam (dôl nkra), đah ntŭk pă nkuăl ƀư nau kan ngih dak si, tâm nau nchrăp hun hao nkuăl ƀon têh tât năm 2023./.