Kêng măng 10/2, lôch bôk ndeh păr ndrih ma jŭr, kon ndăm dơn ƀư kađăch Brunei Al - Muhtadee Billah n'hanh i ur hăn wơt n'hanh ƀư lễ wơt ngăn Thủ tướng Phạm Minh Chính ndrel mpôl ntơh măt gưl têh Việt Nam ta tach ndeh păr.

Tâm rnôk mông nar răm mƀak huêng khlay, kon ndăm dơn ƀư kađăch Brunei n'hanh i ur jă Thủ tướng Phạm Minh Chính n'hanh i ur hao ta bục danh dự, ta nâm lha cờ 2 dak, Quốc thiều Việt Nam n'hanh Brunei dơi đă hao. Lôch nê, kon ndăm dơn ƀư kađăch Brunei jă Thủ tướng Phạm Minh Chính n'grĭng rmôt râng. Lôch rơh wơt, Thủ tướng rong mông nar khâl n'hanh nkoch bri đah cán bộ, nuĭh kan Đại sứ quán n'hanh nuĭh Việt ta Brunei.

Tâm ăp nău kan âk mpưm tâm nar 11/2,  Thủ tướng tât khâl Nhih nti Đại học Quốc gia Brunei; ôp srĭng nău bơ̆ kađăch, me kađăch n'hanh ăp nuĭh tâm rnăk wâl kađăch; tâm nchră đah bơ̆ kađăch, ŭanh saơ lễ ký ton siƀŭt tâm boh; tâm nchră đah du đêt doanh nghiệp ŭnh nar dâk bôk năp bah Brunei...aơ lah hăn khâl lor bôk năp bah Thủ tướng Phạm Minh Chính tât Brunei ta nău kan mhe gay an ƀư gung trong tâm boh dak bah dih sŏng ngoăy ma Đại hội Đảng tâl XIII hŏ n'gluh mbơh. Nê lah an rong lor trong hun hao tâm boh đah ăp dak tâm kâng n'har n'hanh ASEAN. Aơ lah hăn khâl ngăn lor bôk năp bah nuĭh mât bôk Chính phủ Việt Nam tât Brunei lôch bơi 16 năm.