Jêh 3 nar pah kan, kêng măng 15/2, Uỷ ban Rnâng kan Quốc hội lôch rơh rƀŭn tal 20. Ntoh nau tâm nar rƀŭn, Kruanh Quốc hội Vương Đình Huệ mbơh, ta rơh rƀŭn aơ, Uỷ ban Rnâng kan Quốc hội rgop nau mpeh du đê̆ nau kan têh hôm êng êng bah ăp nau nchrăp luật njrăng rdâng dân sự; Luật mât nau dơi nŭih dŏng ndơ (rgâl nkra); Luật tăch rgâl điện tử (rgâl nkra). 3 nau nchrăp Luật tŏng nau dơi gay ma rgop nau bah ntoh măt Quốc hội ƀư nau kan.

Uỷ ban Rnâng kan Quốc hội yor ri nchră luh nau ntrŭnh ntĭm mbơh ƀư tĭng Nkô̆ nau đă bah rơh rƀŭn Quốc hội ndrel nau ntrŭnh mpeh nau kan, nau dơi ndrel nau ƀư bah Ban Thư ký. Đah nau kan geh tât ntrong kan hành chính hŏ ndâk du nkuăl ƀon tehe, 2 nkuăl têh, 34 phường, 11 nkuăl têh ndrel geh nau ntrơn rgâl ntrong kan hành chính gưl xã tâm 10 n’gor. Kruanh Quốc hội lah rjăp, aơ lah nhoat hăn khlay bay ƀư jêh n’gâng kan bah nkuăl ndrel ƀư jêh nau ntrŭnh bah Trung ương mpeh nau hun hao đô thị./.