Nar ntri (16/8), Lữ đoàn Đặc công kơh 198 (Binh chủng Đặc công) ƀư Lễ nkah ndray 50 năm Nar way ơm n’hanh wơt dơn Huân chương Mât njrăng neh dak hạng Nhất. Trung tướng Phạm Trường Sơn, Groi Tổng Tham mưu trưởng Tahen ƀon lan Việt Nam râng n’hanh ntăm  an huân chương têh khlay an Lữ đoàn Đặc công dăng janh.

Ntĭk  nău way ơm đơn vị dăng janh, lăp tâm rơh mhe, Lữ đoàn Đặc công kơh 198 way tâm rnglăp, dơn ngoăy, rdâk njêng đơn vị nâp dăng mpeh chính trị, nău mĭn, nuih n’hâm uĕh lŏng, mpôl kan n’hanh cán bộ. Cán bộ, tahen way geh han săk chính trị sŏng di, nâp dăng, rlăch rlăm, han săk,  du nuih  n’hâm tĭng trong uĕh di n’hanh gung trong rgâl  mhe bah Đảng. Đại tá Nguyễn Minh Mạnh, Chính uỷ Lữ đoàn Đặc công kơh 198 lah rjăp, cán bộ tahen đơn vị way lăp jru nău mĭn n’hanh ntik n’hao nuih n’hâm uĕh lŏng bah Tahen wa Hồ n’hanh nău way ơm bah tahen Đặc công dăng janh, nchrăp dơn n’hanh lôch jêh ăp nău kan dơi jao.