Ndơn kan an nuĭh leo kan Đảng, ngih dak, mât nău kan kruanh dak Võ Thị Ánh Xuân njoăl nău rhơn ueh, nău lah ueh dŭt n’hâm tât mpôl nai dak si, ăp cán bộ, nuĭh kan bâh n’gâng kan dak si ngih dak, nkre lah na nê̆, Đảng, ngih dak way mât chăm, leo kan, ntĭm đă, ntuh kơl an n’gâng kan dak si.

Gay ma dơi geh nkô̆ mpŏng hun hao ngih dak têh ndrŏng, hơm răm, đăp mpăn, ngăn lah nkô̆ mpŏng kan jêng dak hun hao ta năm 2045, mât nău kan kruanh dak Võ Thị Ánh Xuân an lah, nău dơi rnoh nuĭh kan dak si lah dŭt khlăy, tâm nĕ geh nău dơi mpôl kan n’gâng kan dak si. Yor nĕ, n’gâng kan dak si an geh ntĭm nti tay, hun hao rnoh nuĭh kan, ngăn lah tâm rnôk lam ntur neh n’hanh ngih dak he an tâm rdâng đah ăp nău tât bâh nuh srê, tâm nĕ geh ăp nău ji mhe ê hŏ tă geh, ƀư âk nuĭh ntưp, nuĭh khĭt, săk soan bâh kon nuĭh, tâm di đah nău ŭch mât săm ji an ƀon lan tâm nău mhe.