Lôch rlău 10 khay ƀư, 3km trong hăn ta bôk yôk Prenn geh ƀư lôch n’hanh ntơm an hăn ndeh 2 ding . Aơ lah trong hăn tơm, hăn bâh Đà Lạt đah ăp ntŭk pâl nđaih ntoh lư kơt lah dak leng Datanla, nkual pâl nđaih ngih dak ta dak bât Tuyền Lâm, Thiền Viện Trúc Lâm n’hanh du đê̆ ntŭk ƀon lan gŭ ta mpeh ba dâng bâh nkuăl ƀon têh.

Nău ndơ̆ trong aơ hăn lăp dŏng mô dơn tâm di đah nău ŭch pâl rlưn, hăn nsong bâh năch pâl nđaih n’hanh nuĭh ƀon lan ta ntŭk ta rơh tết duơng lịch tât tay, ma hôm nha ntop n’huch bah ir kŏ bêng trong hăn ta ntŭk nklang nkuăl ƀon têh. Aƀaơ rlău 4km hôm e bâh yôk Prenn bâh dak lêng Datanla jur tât jâng yôk dôl geh ngăch ndăn ƀư lôch ăp nău kan . Gay ma mât đăp mpăn yôk Pren n ƀư lôch n’hanh an hăn ndeh lĕ trong ta năp tết Nguyên đán tât tay, Tập đoàn Đèo Cả dôl n’hao nuĭh kan, máy mok ndơ dŏng, leo ƀư n’hao nar kan an ƀư lôch lĕ măng nar.