Kêng măng 11/1, ta Hà Nội, Bộ Công an ƀư Nar mbơh siƀŭt n’glêh an njêng n’hanh ntoh măt đơn vị Cảnh sát mât njrăng đăp mpăn mbrô 1. Tâm bah ri aơ, dơi geh nău ntop kơl bah Liên Hợp quốc n’hanh ăp dak tâm boh mpeh mât njrăng đăp mpăn, Bộ Công an Việt Nam hŏ ƀư ăp rơh ntĭm nti, kơi năp nti tâm n’hanh bah dih dak an rlău 70 tơ̆ sĩ quan gay nchrăp râng nău kan mât njrăng đăp mpăn Liên hợp quốc.

Aƀaơ, Bộ Công an Việt Nam hŏ geh 15 sĩ quan tŏng đah nău ŭch geh bah Liên hợp quốc gay râng mât njrăng đăp mpăn tĭng trong ƀư êng du hê. Bộ Công an hŏ n’glêh an njêng Đơn vị Cảnh sát mât njrăng đăp mpăn mbrô 1 tâm lam trong kan mât nău dơi nchrăp an hăn ƀư nău kan bah Ban Thư ký Liên Hiệp Quốc. Nău n’glêh an dja gay mpơl dăng, ngăn ngăn nău ton bah Đảng, Ngih dak, Bộ Công an Việt Nam nsrôih râng, geh nău dơn kan mât njrăng đăp mpăn, bah tâm lơh tâm su, hun hao ta nkual n’hanh lam ntŭr neh./.