Kêng măng 26/8, ta nkual ƀon têh Buôn Ma Thuột, hŏ ƀư tâm nchră ký ton tâm boh đah Mpôl bu ur doanh nhân n’gor Dak Lak đah Hiệp hội bu ur  doanh nhân Hàn Quốc gŭ kan mpeh bah lơ Gyeonggi. Ta tâm nchră, Mpôl bu ur doanh nhân n’gor Dak Lak hŏ ký ton siƀŭt nchih nkah tâm boh đah Mpôl bu ur doanh nhân Hàn Quốc gŭ kan mpeh bah lơh Gyeonggi.

Ăp doanh nghiệp bar ding hŏ ƀư ký ton 23 siƀŭt nchih nkah tâm boh kalơ âk trong kan kơt pâl nđaih, rhŏ dŏng, công nghiệp nchuăn rdeng, ndơ tuch tăm, dak si nkrơ̆, rhŏ dŏng nsum. Nău ký ton siƀŭt nchih nkah tâm boh lah du njuat hăn khlay pơk luh âk trong wăng sa mhe, kơl ăp bu ur doanh nhân kơt nti, tâm pă nău tă ơm gĭt kan n’hanh an ƀư âk nău kan tâm boh tăch rgâl, rgop ntrŭt ntrôl hun hao wăng sa rêh jêng kon nuĭh. Mpôl bu ur doanh nhân Dak Lak kan âk mpưm ntil nău kan. Nkhêp geh rnôk dja, mpôl kan lơn âk ký ton mpeh tăch rgâl rhŏ dŏng, pêt mât săk ranh, ndơ ngêt sa.