Nar ntri (1/12), Mpôl đại biểu Quốc hội n’gor Dak Lak kan nsum đah Ban Rnâng kan Ủy ban MTTQ Việt Nam n’gor ƀư Tâm nchră mâp cử tri lôch rơh hop tâl 6, Quốc hội khóa XV. Tâm nchră dơi ƀư ta nhih pah kan HĐND n’gor Dak Lak n’hanh pơk sŏng dăng tât 6 bôk ƀoh ta ăp nkuâl Cư M’gar, Krông Ana, M’Đrắk, Ea Kar, Krông Bông, Lắk.

Rlău 1.200 cử tri hŏ râng mâp rơh dja. Lah ta rơh tâm nchră, Mpôl Đại biểu Quốc hội n’gor Dak Lak lah uĕh ăp nău rgop dŭt ngăn ngăn, mpơl nău dơn kan bah cử tri. Nkre tâm ôp na nê̆, ƀư kloh tay ăp nkô̆ nău ma cử tri uănh khlay n’hanh lah rjăp ăp nău rgop mbra dơi mpôl đại biểu Quốc hội n’gor n’hanh ăp gưl, ăp n’gâng kan rgum nchih, nsŏng kơl gưl geh nău dơi kan ơm nkra tĭng di quy định, tŏng đah nău ŭch rŏng mpŏng geh tâm di bah cử tri.

Tâm 2 nar 30/11 ndrel 1/12, rmôt kan ntoh măt Quốc hội n’gor Dak Nông ƀư ăp rƀŭn tâm mâp cử tri tâm xã Dak Ndrot, nkuăl Dak Mil, xã Tâm Thắng, nkuăl Cư Jut, xã Đắc Hoà, nkuăl Dak Song ndrel Phường Quảng Thành, nkual ƀon têh Gia Nghĩa.

Tâm ăp nar mâp, jêh rnôk djăt ăp ntot măt Quốc hội mbơh nau tă geh bah rơh rƀŭn tal 6, Quốc hội gưl 15, cử tri ntoh nau rhơn mpeh ăp nau dơi bah rơh rƀŭn, ndrel rnê prêh nau nsôih bah ăp ntoh măt n’gor Dak Nông hŏ năn đă âk nau kan ngăn tâm nau mhe, tâm di ma nau ŭch bah cử tri. Cử tri Dak Nông kŏ đă ƀư ueh lơn tay nau kơl an tâm nau rêh, ân geh kơl an bảo hiểm y tế ân nŭih ƀon lan mâp nau jêr, ngăn lah ăp nau kơl an mpeh prăk khay, kơl an đah rmôt nŭih nai dak si, nai ntĭm nti kon se, ndrel rklaih nau mô tŏng dak si săm ji, vắc xin chuh ân kon se./.