Nar ntri (24/2), Mpôl đại biểu Quốc hội n'gor Dak Lak geh rơh pah kan đah UBND n'gor mpeh nău tĭng ƀư groi nđôi trong kan, pháp luật mpeh hun hao ŭnh nar lvang năm 2016 – 2021. Let năp tay, UBND n'gor Dak Lak dăn đă Chính phủ n'hao âk dăp rgum điện sial, điện măt nar ta n'gor tâm Dăp rgum Điện VIII; ơm uănh an dŏng Dăp rgum Điện VIII n'hanh rnoh khlay rvăt điện mặt nar, rnoh khlay tăch điện sial; ơm n'gluh an dŏng tâm rlong khlay/tâm rlong ndranh n'hanh rnoh khlay rvăt điện đah trong nchrăp điện măt nar, điện sial nthoi trong rse.

Lah ta rơh groi nđôi, wa Lê Thị Thanh Xuân, Groi Kruanh Mpôl way kan Đại biểu Quốc hội n'gor Dak Lak dăn đă UBND n'gor kơi ntop na nê̆ nău dăn đă gay Mpôl rblang, uănh năl, rgum nđơn nkoch tay nkô̆ mbơh ta ntŭk rgum nchră Quốc hội droh rklaih ăp jêr jŏt, kŏ kol nta trong dơh hun hao wăng sa- rêh jêng kon nuĭh ta n'gor. Nkre, dăn đă UBND n'gor n'hao dăng pah kan mât uănh ngih dak tâm trong kan, pháp luật mpeh hun hao ŭnh nar ta n'gor ma trong ôp uănh, groi nđôi.