Kêng măng ntri (10/1), Mpôl Đại biểu Quốc hội n’gor Dak Lak tĭng ƀư bôk nău kan groi nđôi đah UBND n’gor mpeh nău tĭng ƀư Nghị quyết 43/2022 bah Quốc hội mpeh trong kan dŏng prăk kaih ntop kơl bôk nău  kan dâk hao tay wăng sa rêh jêng kon  nuĭh n’hanh ăp Nghị quyết bah Quốc hội mpeh du đêt trong nchrăp kan khlay gưl neh dak tât năm 2023.

Lôch bar năm an tĭng ƀư bôk nău kan Nghị quyết 43/2022 bah Quốc hội ta n’gor Dak Lak hŏ dơi geh du  đêt nău kan di ma nchih nkah, rgop hŭch bah jêr jŏt an nuĭh ƀon lan, doanh nghiệp, ntop kơl wăng sa dâk hao tay n’hanh hun hao. Lah ta rơh pah kan, wa Lê Thị Thanh Xuân, Groi kruanh Mpôl đại biểu Quốc hội n’gor Dak Lak rnê âk nău nsrôih bah UBND n’gor hŏ an ƀư năn ngăch, geh nău tam, ntop kơl jâng wăng sa, ntop kơl doanh nghiệp, nuĭh ƀon lan rlău jêr jŏt, hun hao ƀư njêng tăch rgâl. nkre đă UBND n’gor Dak Lak kơi ntop tay, ƀư lôch jêh nău mbơh tĭng di quy định.