VOV4.M'nông: Nar ntri (10-10), Mpôl Đại biểu Quốc hội n'gor Dak Lak hŏ mâp ƀon lan bah năp rơh hop tâl 4, Quốc hội khóa XV ta ăp nkuâl Krông Ana, Cư Kuin, Ea Súp n'hanh nkuâl Buôn Đôn. Âk nkô̆ nău ndơ dŏng an rêh jêng nuĭh ƀon lan hŏ dơi ƀon lan dăn đă tât Quốc hội.

Ta ăp ntŭk mâp, Mpôl đại biểu Quốc hội n'gor Dak Lak hŏ mbơh tât đah ƀon lan nkô̆ bôk nău kan nchră ta rơh hop tâl 4 n'hanh djăt ăp nău rgop bah ƀon lan njuăl tât Quốc hội rơh dja. Geh tât dâk hao tay wăng sa- rêh jêng kon nuĭh, ƀon lan Dak Lak an lah Chính phủ ân n'gluh ăp trong nkra tâm di lơn gay đăp mpăn rnoh khlay ndơ ntŭk tăch rgâl n'hanh ntop kơl droh rklaih jêr jŏt an nău kan ƀư njêng, tăch rgâl bah doanh nghiệp n'hanh nuĭh ƀon lan. Nchih nkah n'hanh rnê âk ăp nău rgop bah ƀon lan, mpôl Đại biểu Quốc hội n'gor Dak Lak hŏ đă ăp nhih pah kan geh nău dơi kan n'hanh n'gor rblang. Đah ăp nkô̆ nău êng ƀa ƀă, mpôl mbra rgum, nău dăn đă njuăl tât Quốc hội, Chính phủ n'hanh ăp n'gâng kan tâm rơh hop tât./.

VOV Tây Nguyên

Nuĭh rblang: Điểu Thân