Lơ 15/8, Mpôl hăn uănh Tiểu ban Điều lệ Đảng Đại hội 14 bah Đảng yor Groi Kruanh Ban tổ chức Trung ương Hoàng Đăng Quang ƀư Kruanh mpôl kan lĕ geh nar pah kan mpeh nău kan ndâk njêng Đảng năm kan Đại hội 13 n’hanh 15 năm ƀư tĭng điều lệ Đảng (2011-2025) bah Đảng bộ nkual ƀon têh Cần Thơ. Ntoh ngơi ta nar pah kan, wa Hoàng Đăng Quang an gĭt, gay nchrăp an Đại hội 14 bah Đảng, Ban Chấp hành Trung ương lĕ ndâk njêng ăp Tiểu ban, tâm nĕ Tiểu ban Điều lệ Đảng dơi jao nău kan ndâk njêng, mbơh an Ban Chấp hành Trung ương khóa 13 mpeh n’glôch jêh, ndâk njêng Đảng n’hanh ƀư 15 năm ƀư tĭng điều lệ Đảng.

Bah săk rnglăy ngăn bah Đảng bộ nkual ƀon têh Cần Thơ tâm trong kan ndâk njêng Đảng n’hanh ƀư tĭng điều lệ Đảng, bah nĕ geh âk nău dăn đă đah Đại hội 14 bah Đảng. Wa Hoàng Đăng Quang đă an rgum, rblang ăp săk rnglăy ntoh lư bah 10 nău kan trong kan ndâk njêng Đảng, tâm nĕ ƀư tĭng 3 nău kan khlay n’hanh 3 trong mkra mhe ma Nghị quyết bah Đảng bộ nkual ƀon têh Cần Thơ lĕ n’gluh an.