Rơh ntĭnh sĭt tahen ƀon lan Việt Nam sĭt dah nơm geh ƀư ta tach ndeh părr Hatay ta Antakya, ntŭk tơm ta n’gor Hatay, Thổ Nhĩ Kỳ. Ntoh ngơi ta rơh lễ, Đại sứ Đỗ Sơn Hải lah na nê̆ nău tahen ƀon lan Việt Nam ndơ̆ mpôl kan tât kơl ta Thổ Nhĩ Kỳ ăp nar ba năp lah nău tâm rgop n’hao nău tâm boh bar dak.

Bar mpôl kan tahen ƀon lan Việt Nam n’hanh n’gâng kan Công an Việt Nam lĕ kơl ndâk nsơm âk nău jêr, mô klach nău jêr, nsrôih kơl an ƀon lan Thổ Nhĩ Kỳ ndâk nsơm nău tât rơh n’gơ neh, geh ƀon lan, n’gâng kan ta ntŭk n’hanh ăp mpôl kan vơt kơl lam ntur neh êng knơm, rnê âk. Tâm rnôk hăn kan bâh nar 13 tât 22/2 ta n’gor Hatay, mpôl tahen ƀon lan Việt Nam lĕ joi kơl ta 31 ntŭk, geh saơ 15 ntŭk geh nuĭh khan tâm ntŭk rlâm nklân, tâm nĕ geh 2 ntŭk hôm nha geh nuĭh rêh. Lôch nĕ mpôl kan lĕ pă jao tay an ntŭk kan ta ntŭk dŏng ăp ntil ndơ kuĭh kuai n’hanh ndơ̆ vơt geh 28 săk nuĭh khĭt luh bah dih. Kêng măng nar 23/2, mpôl kan lĕ sĭt tât Nội Bài, Hà Nội.