Tĭng Ủy ban TW MTTQ Việt Nam, năm 2022, nkual rnoi mpôl đêt ta ăp n’gor Tây Nguyên ntơm đăp mpăn mpeh rnă njrăng chính trị, đăp mpăn nău rêh jêng. Ăp bôk nău kan, nău nchrăp ƀư an nkual rnoi mpôl đêt n’hanh nkual yôk mât uĕh săk rnglăy; ăp bôk nău kan đăp mpăn rêh jêng, kơl nuĭh ach o dơi uănh khlay.

Wa Đỗ Văn Chiến an ndơ an đại biểu nuĭh nsing nơm bah ăp n’gor Tây Nguyên

Ntoh măt lah nuĭh dơi nsing nơm, chức sắc tôn giáo ta ăp n’gor Tây Nguyên, lĕ rgop, dăn đă mpeh âk nău kơt: ntop kơl an nuĭh nsing nơm, cán bộ thôn, ƀon; trong kan ntĭm nti nău kan an nuĭh pah kan nkual jêr jŏt, nkual rnoi mpôl đêt; tŏng ăp neh tuch tăm an ƀon lan hun hao; n’hao prăk an hun hao pâl nđaih ntŭk gŭ rêh; trong mkra mât bri; trong ƀư săch an oh kon rnoi mpôl đêt. Jêh djăt nău rgop bah ăp đại biểu, wa Đỗ Văn Chiến-Kruanh Ủy ban TW MTTQ Việt Nam an gĭt, Ủy ban TW MTTQ Việt Nam ndrel ăp ngih pah kan kan djôt dơn lĕ rngôch nău rgop bah đại biểu nkre mpŏng ŭch, ƀon lan Tây Nguyên tâm rnglăp tay, ndrel ndâk njêng Tây Nguyên nar lơ hun hao lơn.