Bơi 140 đại biểu bah Mặt trận Tổ quốc Việt Nam n’hanh Chính hiệp Trung Quốc nar ntri (29/11) hŏ geh hăn uănh pâl vịnh Hạ Long (Quảng Ninh). Nău kan gŭ tâm trôm bôk nău kan tâm nđŭr tâm rnglăp đah Uỷ ban Trung ương MTTQ Việt Nam đah Chính hiệp lam dak Trung Quốc.

Hao duk pâl nđaih hăn uănh pâl vịnh Hạ Long, ăp đại biểu Ủy ban Trung ương Mặt trận Tổ quốc Việt Nam, Chính hiệp lam dak Trung Quốc, Ủy ban Mặt trận Tổ quốc Việt Nam bah 7 n’gor geh nsum trong n’har bri đah Chính hiệp 2 n’gor/nkual mât êng bah Trung Quốc ndrel uănh saơ rup uĕh rngân bah drăp ndơ ơm yău ntlơi an tay– Bri dak uĕh măt uănh lam ntŭr neh. Duk weh hăn rlău ăp gôl dak lŭ ntĭt êng bah vịnh Hạ Long, ntoh lư lah gôl lŭ Trống Mái, gôl lŭ Đỉnh Hương, ăp đại biểu mpeh Trung Quốc mpơl nău nkah uĕh rnôk dơi năl saơ rup uĕh bah Vịnh Hạ Long ndrel nău dêh bên, rmên năch bah kon nuĭh Quảng Ninh.