Groi  Thủ tướng Trần Hồng Hà, nuĭh kan ndrel ta rnâng kan Tiểu ban ŭch bâh nău ngăn, ăp ntŭk tâm rgop n’hanh mbơh rblang na nê̆ nkô̆ nău ăp nău dơi geh tâm năm kan ba năp nơh, mbơh nkoch ăp nău kan khlăy an geh ƀư tâm lvang 5 năm tay. Tiểu Ban văng sa - rêh jêng Đại hội 14 bâh Đảng mbra geh rgum âk ăp nău tâm rgop bâh ta ntŭk mpeh nău ntơ ta nkual njônh ngai, ntil ndơ ta ntŭk, nău dơi, nău geh, ăp nău êng bâh ta nkual. Ta meng nĕ lah ăp nău dơi n’hanh trong kan tâm rgop ta nkual, ăp nău mĭn kan geh nău kan tơm khlăy gay ma Tiểu ban wăng sa- rêh jêng gĭt dơn, mĭn uănh n’hanh rdâk njêng nkô̆ nău văn kiện Đại hội Đảng lam dak tal 14 an tâm di đah bâh nău ŭch tâm nău rêh jêng.