Ôi 10/12, Mpôl Uănh nđôi Ủy ban Dân tộc yor wa Võ Văn Bảy-Chánh Thanh tra Ủy ban Dân tộc ƀư kruanh rmôt lĕ geh nar pah kan đah UBND n’gor Dak Lak gay mbơh an dự thảo N’glôn jêh uănh nđôi nău ƀư tĭng bôk nău kan rƀŏng tĭng lam dak hun hao wăng sa rêh jêng nkual rnoi mpôl đêt n’hanh nkual yôk lvang 2021-2030, lvang I: 2021-2025 (kuăl lah Bôk nău kan 1719) ta Dak Lak.

Tĭng Dự thảo n’glôn jêh, bôk nău 1719 ta Dak Lak lĕ dơi ƀư dŭt uĕh, dơi geh âk săk rnglăy djôt dơn ntop kơl ƀon lan rnoi mpôl đêt, rgâl ntung trong n’hanh n’hao nău rêh nuĭh ƀon lan. Djăt tay ăp nău rgop bah Mpôl uănh nđôi Ủy ban Dân tộc, wa H’Yim Kđoh, Groi Kruanh UBND n’gor Dak Lak lah uĕh mpôl uănh nđôi lĕ ntĭm ăp nău n’gor mô hŏ dơi ƀư, ntĭm trong mkra tâm năm tât. Nkre Groi Kruanh UBND n’gor Dak Lak mĭn lah, tâm năm tât mbra nsrôih lơn tay nău ƀư tĭng ăp nău nchrăp ƀư bôk nău kan 1719 ta n’gor.