Ôi 16/3, Quân ủy Trung ương, Bộ Quốc phòng hŏ ƀư mpư rnê druh ndăm ntoh lư, druh ndăm mpŏng hun hao lam tahen năm 2022. Kruanh dak Võ Văn Thưởng hŏ tât râng. Mbah rhơn 10 druh ndăm ntoh lư n'hanh 43 druh ndăm mpŏng hun hao lam tahen, ntơh măt an hang rbăn druh ndăm ntoh lư ta rơh lễ mpư rnê, Kruanh dak Võ Văn Thưởng lah  kloh: dơi geh nău rhơn n'hao dja hŏ jêr yơn gay mât dơi  nău rhơn n'hao dja ri hôm jêr lơn đŏng, aơ mbra lah jâng ntơm khlay tâm nău rêh tahen, lah suan ntrôl khlay gay ăp băl mom nsrôih tay, tiăr nti, mô rlu ƀư têh jêng an nơm gay jêng cán bộ tahen gĭt blău- nuih n'hâm uĕh lŏng, nkre ndŭm, nkre rnâng kan kơt wa Hồ hŏ ntĭm nti.

Gay ntik uĕh lơn đŏng săk geh têh kuâng bah druh ndăm tahen, Kruanh dak dăn đă druh ndăm tahen ân kan nsum tay lhăt đah mpôl kan đoàn ntŭk gŭ ƀư tahen, tĭng ƀư jăp pah kan rgŏ jă, krêp dêh đah ƀon lan ndrel gŭ, ndrel sa, ndrel ƀư gay têh jêng tâm n'gang kan ntĭm nti bah ƀon lan, n'groh lĕ n'hâm suan an ma ƀon lan lah rup gui dŭt uĕh bah tahen luh bah nuĭh ƀon lan, yor ma ƀon lan rdâng lơh.